Tuesday, January 1, 2013

స్వాగతిద్దాం


ఇలా వస్తావు, అలా వేల్లిపోతావు.
నువ్వు వచ్చావు అని ఆనందించే లోపే
ఇక సెలవు అంటావు.
నిన్ను అట్టిపెట్టుకోవాలని
నేనెంత ప్రయత్నించినా,
నాకు చిక్కకుండా పారిపోతావు.

ఎన్నో, ఎన్నెన్నో ఆశల్ని కలిగిస్తావు,
ఎందఱో ఆప్తుల్ని అందిస్తావు,
మిత్రుల మధ్య కుడా వైరం పెట్టి
వినోదం చూస్తావు.
అసలేమిటి నీ వైనం?

సంతోషాన్ని ఇచ్చేది నువ్వే,
ధుఖ సాగరం లో ముంచెదీ నువ్వే
మదిలో ఆశలు రేకెత్తించేది నీవే,
నైరాశ్యం లోకి నేట్టేది నీవే
కానీ జీవితాన్ని జీవిన్చడానికి ఎన్నో
పాఠాలు నేర్పుతావు

కాలమా..........,

నీవే నా ఆప్తుడివి, గురువువి,
స్నేహితుడివి, విరొధివి కూడా నువ్వే.

తల్లి, తండ్రి, గురువు,
అక్క, చెల్లి, తమ్ముడు, అన్న,
మిత్రులు, అందరూ
నీతోనే ముడిపడి ఉన్నారు.

నీ ఈ పయనం లో ఒక సంవత్సరం
గతం లోకి జారుకుంది.
అయినా సరే, నేనున్నానంటూ
సరికొత్త సంవత్సరం ...........

కొత్త హంగులతో, ఆశలతో, ఊహలతో,
స్పూర్తులతో, కళ్ళ ముందు నిలిచింది.

నువ్వు మాకోసం ఏమేమి దాచి ఉంచినా,
మేము మాత్రం నీవు మాకందిన్చాబోయే
ప్రతి పాఠాన్ని మాకు అనుకూలంగా మలచుకోగలం
అన్న నమ్మకం తో, ఆత్మవిశ్వాసంతో
కొత్త సంవత్సరాన్ని సాదరంగా స్వాగతిస్తున్నాం.


[అందరికీ నూతన సంవత్సర శుభాకాంక్షలు]

5 comments:

  1. మీకూ నూతన సంవత్సర శుభాకాంక్షలు!

    ReplyDelete
  2. చాలా బాగా చెప్పారు. మీకు కూడా నూతన సంవత్సర శుభాకాంక్షలు!

    ReplyDelete