Saturday, October 6, 2012

అక్షర సుమాంజలి

కలలో పలుకరించావు,
          ఇలలో ఎదుటపడినావు  
స్నేహ హస్తం అందించావు
           ప్రేమనెంతో పంచావు
జీవితాన్ని గడుపుతున్న నాకు
           జీవించడం నేర్పావు 
కష్ట సుఖాలన్నింటిని 
           ఆస్వాదించడం నేర్పావు 
కన్నీరు తుడిచావు
            నవ్వుల్ని పంచావు
తల్లిలా లాలించావు
            తండ్రిలా నమ్మకాన్ని నింపావు
గురువువై హిత బోధలెన్నో చేసావు
            నీవే నా దైవమై నిలిచావు
ప్రాణం లో ప్రాణమైనావు 
           నీవే నా ఊపిరైనావు 
నీ భావాలే
           నాకు మార్గదర్సకాలు
నీ వాక్కులే
          నాకు స్పూర్తిదాయకం
నేస్తమా,

నీవందించిన స్పూర్తి
         నా వెంట వుండగా
అధైర్యమన్నది ఏనాడు 
         నా దరికి చేరలేదు